Surprise Me!

Aishwarya Rai Bachchan | Life Story | Biography

2016-06-19 296 Dailymotion

Aishwarya Rai Bachchan | Life Story | Biography

Aishwarya Rai Bachchan, ek aisi adakara hai, jinhe ishwar ne fursat se tarasha hai. Unki khoobsurti aur nayan naksh ki jitni taareef ki jaaye kam hai. Aur Aish ne, bhagwan ki is adbhut den ko, ache se sambhal kar rakha hai, jo umra ke har padaav par, aur khubsurat hoti ja rahi hai. Beauty plus brains ki agar baat karein, toh is category mei Guru actress most suitable woman hai. Sabse pehle Aishwarya ka naam, puri duniya mei tab aaya, jab 1994 mei unhe Miss World ka kheetab mila. Aur is jeet ke baad, na jaane, kitni victories is actress ne apne naam kar li hai, jiska silsila ab tak chal raha hai. Miss World banne ke baad, Aish ke liye filmy career ke darwaze khul chuke the. Aur 1997 mei, South Indian movie ‘Iruvar’ se, is star ne acting debut kiya tha, aur ussi saal movie ‘Aur Pyar Ho Gaya’, Aish ki first Bollywood movie thi. Is film mei, unke kiddish acting ke liye, criticise bhi kiya gaya tha, lekin confident and talented actress ne haar nahi mani. Taal, Hum Dil Chuke Sanam, Devdas, Chokher Bali, Raincoat, Jodha Akbar, Dhoom 2 aur Guru jaisi filmon se, Aishwarya ne apne wonderful acting talent ko prove kiya hai. Iske alawa item songs mei bhi, Aish ne apne superb dancing ability ko show kiya hai. Kajrare gaane mei, minimal makeup, statement jewellery, Aish ka ek refreshing change tha, jahan sirf lehange aur choli mei bhi, wo vulgar dikhne ki bajai behad khubsurat lag rahi thi. Aishwarya Rai ko, unke ab tak ke filmy career mei, lagbhag sabhi tarah ke outfits mei dekha gaya hai. Aur sabhi attires ko, wo intne ache se carry karti hai, ki dekhne walon ki nazar tik jati hai. Aish ne hi 90’s ke fashion ko refresh kiya tha. Denim dungrees, shorts, mini dresses, haulter neck blouses, fancy sarees aur movie Hum Dil De Chuke ke gaane Nimbuda mei, sky blue lehange mei Aish kya khub lag rahi thi. Devdas movie mei, Bengali saree with vintage jewellery, Ishq kamina song ke skimpy clothes, Umrao Jaan ke elegant dresses, Dhoom 2 mei bikini tops, Jodha Akbar ke royal dresses aur Guru movie mei typical Gujarati sarees mei, Aish ke style ko koi beat nahi kar sakta hai. Aishwarya Rai aaj ek international figure hai, jinki popularity worldwide hai. Year 2005 mei wo first Indian thi jo ‘The Oprah Winfrey Show’ ka hissa bani. Aur Miss world banne ke baad, Aish ki look-a- like Barbie Doll ke range ko bhi, UK mei release kiya gaya tha. 2003 mei Aishwarya first Indian celebrity bani, jo Cannes Film Festival ki Jury Member thi. Cannes mei Aish ki beauty ko, har saal worldwide appreciation milti hai, jahan wo beautiful strapless floral gown aur most skin show dresses mei, most stunning diva lagti hai. Har saal Cannes Film Festival ke red carpet par, Aish ne apne multi- fashionable style ko reveal kiya hai, jiski jitni taareeff ki jaaye kam hai. Bohat hi kam samay mei, Aishwarya ne kayi honourable awards bhi apne naam kiye hai. Jisme se ek Padma Shri Award hai, jo unhe year 2009 mei diya gaya. French government ki taraf se, second highest civilian French owner , “ Knight Of The Order of Arts And Letters” ka award, Aish ko mila. Aishwarya ke agar personal life ki baat karein, toh inke bhi kayi affairs rahe hai, jinke saath unke linkups aur breakups hue hai. Salman Khan aur Vivek Oberoi ke sath, unke most controversial affairs rahe hai. Lekin fir 2007 mei, Aishwarya ki shadi Amitabh Bachchan ke bete, Abhishek Bachchan ke sath hui, jiske baad beti Aradhya unke zindagi mei aayi. Aradhya ke janm ke baad, Bachchan bahu filmon se lambe samay tak dur rahi. Aur ab Sanjay Gupta ki movie Jazbaa se, Aish ne powerful comeback kiya hai. Apne movie ko Aishwarya ne jam kar promote kiya hai, aur poore promotional trip mei Jazbaa star ne, apne style and look se ek bar phir, fashion world mei victory hasil ki hai. Jahan formal wear, full covered dress, gown, skirt, pantsuit aur royal looked saree, sabhi attires mei Aish, bala ki khubsurat lag rahi hai, jinhe dekhkar unke umra ka andaza nahi lagaya ja sakta hai. Well hum ummeed karte hai, ki Jazbaa aapki super duper hit comeback movie ho, jiske liye hamari taraf se aapko dhero shubhkamnayein.

SUBSCRIBE to our channel by CLICKING the link below-
https://goo.gl/1wOHB8

Watch our Most Watched Videos !!!
https://goo.gl/9gx57R

Checkout Our Blogger
http://goo.gl/H0a8P2

Like Share and Subscribe !!!